昨天（十月十五日）是鄧麗欣（Stephy）三十六歲的正日生日，歌迷會一班粉絲日前為她舉行生日會，慶祝偶像「第二個十八歲生日」。粉絲們除了送上親手炮製的生日蛋糕外，更與壽星女大玩「估歌仔」、「歌詞接龍」等集體遊戲，不少忠實歌迷擁有驚人記憶力，對Stephy的多首金曲倒背如流，令她驚訝不已。

　Stephy透露正日當天通常會進行生日特「瞓」閉關一天：「暫時未有安排，通常前一日慶祝，玩完通宵後正日就瞓教，休息一日。」問到是否與男友邱勝翊（王子）度過？她扁嘴笑言：「冇啦，今年佢要做嘢，我唔知佢係咪講大話啦？哈哈，應該唔係嘅，佢真係去咗第到做嘢，冇所謂啦。」到了溫馨的傾心事環節時，歌迷們關心她的工作近況之外，更為Stephy的人生大事著急，乘勢追問她與男友的婚期，令壽星女哭笑不得。對於被粉絲連番催婚，Stephy笑說：「我懷疑佢哋係臥底嚟，今日好多粉絲都無端端好官腔咁問我幾時結婚？我已經飽歷風霜，呢個問題已經被人問咗十年，我已習慣咗，所以當聽唔到，哈哈。」◇