鄭浩南對香港前景抱有信心

 藝人朱慧敏於Viu TV新劇《地產仔》內,與鄭浩南有感情線。她表示:「講我哋青梅竹馬,我暗戀咗呢個哥哥好耐,所以佢去嗰間地產舖度任職,即使做茶水姐姐都冇所謂。(有親熱戲?)冇床戲、冇咀戲,我都係因為咁先接拍。」

 她透露前日首天與對方開工,即被「男神」電親:「佢真係keep得好好,導演覺得我哋有火花,依家諗緊加戲。(最尾有情人終成眷屬?)未知住,咁我都想,好希望戲裏戲外,大家生活都開開心心。」

 對於朱慧敏褒獎,鄭浩南搞笑回應:「咩呀?我都冇正眼望過佢,佢客氣啫。(點樣keep?)年紀大驚身體唔好,所以有控制飲食,同埋繼續運動,依家以打網球為主。」今次返港拍劇,他表示初步留十日:「會再返嚟嘅,不過,十二月唔係好想做嘢,會陪啲小朋友去玩。(有冇喺香港買樓?)九七前所有物業都放晒喇,唔係擔心香港樓市前景,而係好多藝人依家都冇以香港為基地。」他直言對香港前景依然抱有信心。◇