近年人氣急升的余德丞（Dickson）早前應邀於YAHOO星級訪談節目《星Woo大戰》與人氣主持Yahwoo真情對話，除了大談對外間給予「港姐收割機」稱號的想法，更不避嫌自爆最想跟朱千雪合演情侶，恨到出口。

　余德丞一直被外界稱呼他「港姐收割機」，全因他頻頻與港姐傳出緋聞，對於這個稱號，Dickson有這樣的自辯：「其實只係咁啱同港姐合作得多啫，但公司裡面差不多全部都係港姐，只係視乎佢係冠亞還是季軍。喺拍劇做綜藝都有合作，咁合作多咗，至得到呢個稱號，但都只係得啖笑。」Dickson又指，之前跟麥明詩於劇集《誇世代》中繹演情侶才傳出緋聞，而他與劉穎鏇因為一同到台灣主持《世界大學生運動會》，期間二人一起吃飯，結果又被拿著照片指他力追對方，不過Dickson打趣跟Yahwoo說：「你只要湊夠兩個港姐，就可以做港姐收割機㗎喇！」不過在眾多的港姐之中，Dickson坦言蔡思貝才是在娛樂圈中最熟的朋友。

　至於被問到想跟哪位從未合作過的女星合作，Dickson即表示恨與朱千雪結戲緣，而且更指對方是真正的女神，好希望跟對方合作，但可惜女神已甚少拍劇，希望遲些在機緣巧合下可以跟對方合作。鬼馬的Yahwoo聽到隨即請Dickson假裝以自信的語調向監製游說撮合二人合作演劇，在游說過程中，Dickson透露自己想拍攝的鏡頭，他說：「場戲可以透徹少少，唔使咁辛苦，但好多moodshot，但可以有好多情感上嘅交流，真係幻想都覺得正！就咁決定啦！」

　其實除了跟港姐合作外，Dickson表示自己都想扮演動漫角色，譬如《頭文字Ｄ》的藤原拓海或者《男兒當入樽》的三井壽，因為前者有型又瀟灑，角色又可以讓他揸車過足癮，後者的經歷挫折變壞再浪子回頭則很有深度，更重要是角色體能差似自己，但又可以很準地射出三分波，一樣十分有型。◇