由阿嬌鍾欣潼、衛詩雅（Michelle）及李明軒領銜主演，陳凱洲、黎議駿主演電影《聊齋奇緣：畫皮》日前正式開鏡。

　阿嬌這次化身「東海龍族三公主」阿若，角色與她亦有很多相同之處，「性格都係偏向硬朗、勇於追求自己所要嘅嘢，果敢堅決，有自己意向，所以拍嘅時候會更加投入。」因其獨特的身份而身陷風暴中心，在遭遇狐妖小蠻設計與王生離心，依然為愛捨棄靈葉為其補心，亦不改對真愛的執著，最終贏得王生的真心，感化了小蠻，令她明白了愛的意義，化小愛為人間大愛。

　至於Michelle角色造型則充滿霸氣，「細個有睇過《聊齋》，對我嚟講入面每一個人物都好吸引，同埋啲造型好靚，所以今次定妝嘅時候我都好驚訝，我嘅造型好特別，見到係好花心思。」除了造型突出，一向鮮拍古裝片的她坦言最難是處理武打場面，「因為有好多武打嘅戲份，我又未打過，再加上係古裝戲，打嘅動作我係完全未學過，例如出掌，點樣嘅手勢先係出得靚、又要有個勁度，呢個對我嚟講係好難。」所以在電影拍攝前，Michelle已密鑼緊鼓進行武術等動作訓練，「除咗武術，仲有吊威吔訓練，因為好多場戲都要吊威吔。呢啲都係我之前完全未接觸過，覺得自己好不足，所以拍完呢部戲都想搵個專門係呢方面嘅老師上堂。」◇