曾經好花心的鄭嘉穎與較他年輕二十二歲的陳凱琳（Grace）結婚三年，兩年誕下兩子大仔鄭承悅（Rafael）及細仔鄭承亮（Yannick），雖然年齡差距咁遠，但冇阻年齡界限，家庭生活好美滿。幸福人妻陳凱琳（Grace）前日三十歲生日，未有大肆慶祝的Grace選擇去酒店staycation，一家四口既簡單又溫馨。

　壽星女在IG貼出家庭樂影片晒恩愛，見到嘉穎為她慶生，鄭嘉穎在望到全海景的餐廳為Grace安排浪漫燭光晚餐，一齊看日夜海景，氹到Grace非常開心，在停機坪躍起，更親手餵老公食飯，甜蜜爆燈！一家人又到泳池玩水，Grace顯得相當興奮。Grace在Instagram發文感謝每一位祝福她的人，包括家人、經理人、工作夥伴及粉絲等等，並發表正式踏入三十歲的感言：「感謝你哋一直愛我，如果冇你哋，我嘅生活就不一樣。每一年我都感到比往年更幸福，我急不及待想睇下未來有乜發生，最重要嘅係，感謝主一直看守及照顧我，願我嘅智慧、信念和力量能不斷增長。」Grace同時送上祝福畀龍鳳胎弟弟Derek，祝他生日快樂。◇