陳豪羅子溢各自攜妻澳門街頭狂放閃，劉嘉玲係幕後軍師？！

　近排澳門市民同遊客頻頻野生捕獲明星蹤影，其中有網民影到楊茜堯同羅子溢喺澳門街頭浪漫咀嘴，原來兩人正喺當地拍攝劉嘉玲主持嘅內地真人騷

　《嘉人自友約》，有網民拍到嘉玲姐、楊茜堯同羅子溢去澳門手信街睇美食。

　有網民喺早兩日喺澳門著名咖啡廳捕獲另一對恩愛CP陳豪及陳茵媺，而嘉玲姐都喺店內，呢位網友大讚女神嘉玲姐好有氣質，網民側拍亦見陳氏夫婦有深情攬攬嘅環節，相信嘉玲喺節目中為兩對恩愛夫妻安排咗一場浪漫之旅。

　其實嘉玲早於二月嗰陣有透露節目即將開拍，估唔到拍攝進度咁快，早前網民分別喺唔同地方捕獲到嘉玲孖佘詩曼、朱茵、吳君如等拍攝節目，根據節目海報公佈嘉玲亦請到眾多好友李若彤、葉童、鄭裕玲、楊采妮、莫文蔚等作客節目，相信陳氏同羅氏CP應該係隱藏特別嘉賓。◇