裕美到新城廣播接受羅沛琪（Pinky）、施匡翹（Zaina）及華浩然主持的《寵愛您》節目訪問，與男友林作飼養了2隻貴婦及2隻唐狗的裕美，從小到大都在狗狗陪伴下長大，而她喜歡毛孩亦多過人類，裕美解釋：「我隻貴婦好奸，每日咬爛我一條底褲，又或者喺我床上屙尿，但佢最多都係百厭，佢唔似啲奸詐人類，人好複雜，所以我鍾意狗多過人。（咁你愛狗定身邊嗰個多啲呢？）梗係狗啦！」

　裕美形容林作平時口沒遮攔，卻名副其實是愛狗之人，「我哋唔會為狗狗吵架，林作得意在隻狗幾百厭都好，佢唔打唔鬧，如果隻狗喺床上屙尿，我嬲到想打佢籮柚，但林作會即刻抱走隻狗，然後就會話『佢唔識㗎嘛』！」

　裕美經常跟愛犬傾訴心事，她憶述早年患有嚴重抑鬱症時，就是靠愛犬獲得溫暖。◇