新手爸爸林德信（Alex）近來搞作多多，除了忙碌音樂創作外，亦拍攝廣告，賺奶粉錢。

　廣告中，林德信穿上彈性恤衫做瑜珈，又陶醉彈結他，認真搞作多多：「工作上我都好多崗位，有時係音樂人、有時係瑜珈老師，去到片場我係演員，返到屋企係人地老公同爸爸，同一日時間內身份不停地轉換，所以衣著都係百搭最好。而我通常都係著白色衫，比較容易搭襯同簡約。

　林德信笑言已習慣湊女：「以前揀衫最緊要係好睇，實用衫唔高嘅！依家揀衫就要多埋『彈性』，因為有時抱囡囡時佢會扭嚟扭去，有彈性嘅衫就方便照顧佢！同佢玩『飛高』、比佢『嗲』真係好有滿足感，即使工作幾忙碌，只要湊住佢咩煩惱都會唔記得晒！」

　Alex就話唔介意「父女裝」上陣去街，將來如有適合的機會也可以嘗試「父女檔」拍廣告，留下一啲美好嘅回憶。◇