由MQ Musical Theatre主辦，香港首個大型音樂劇盛事「香港音樂劇節2026」將於2026年1月11日至2月8日在香港西九文化區隆重舉行，呢日邀請黃劍文、葉巧琳、香胤宅、雷深如(J.Arie)、吳倩怡(Sinnie@LollyTalk)、譚永浩、黃奕斌、陳凱彤等出席記者會，即場演繹精彩選段歌曲，為明年1月舉行的音樂劇節揭開序幕。

　黃劍文表示自己再演《為你鍾情》感興奮，笑言要操練身材：「因為覺得自己肥咗啲啲，怕著唔翻上件啲衫，所以要Keep Fit！其實我靠呢個騷啟發我跳舞嘅細胞，想由跳唱路線出發！」而葉巧琳表示忙於舞台劇工作，稍後才與劍文「朝夕相對」。

　而香胤宅、雷深如今次喺音樂劇《愛登士家庭》中飾演夫妻，Lyman笑言自己都唔年輕，不過應該生唔出「Sinnie」：「我覺得英文劇本應該會易記啲，所以有啲擔心中文場次會比啲fans笑！雖然唔係我第一次做舞台劇，但係同呢兩位對手合作好興奮，希望可以透過綵排了解佢哋更多。」

　Sinnie今次劇中又唱歌又跳舞，佢就表示非常期待演出！提到早前女團Lolly Talk財務傳聞，呢日佢現身自然成為焦點：「我哋繼續有糧出，所以應該就冇爭公司錢嘅，其實咁多個團員都有好多工作！我其實你話俾身邊嘅人知我會做音樂劇，因為我覺得佢哋會『睇小我』，希望到時台上嘅演出令到佢哋有surprise！」

　本屆音樂劇節帶來逾20個精彩節目、超過60場演出及活動、由近100位優秀國際及本地藝術家，為超過20,000名音樂劇愛好者帶來匯集百老匯劇目、本地傑出製作、亞洲巡迴音樂劇、音樂劇演唱會、音樂劇比賽及大師班系列等，展現音樂劇藝術的多元魅力。◇