原來時裝警匪片都可以拍出古裝武俠的味道。《驚蟄無聲》如果不知道甚麼叫驚蟄，可以上網查下或者看通勝，不過電影入面絕對會解釋給你知。

這套本身係有期待的，因為導演係張藝謀，我就會想他如何去拍攝警匪片。兩位男主角由易烊千璽和朱一龍主演，講述他們隸屬國安局，因為追查可疑交易而揭發局入面有內鬼，然後就空降一個由趙佳飾演的女上司要求兩位男主角去查探，行動名就叫「驚蟄行動」。

電影大部分時間都係以朱一龍為主，他本身是一位正直不阿的好警察，因為某件事被牽涉入由楊冪飾演的女間謀（本片反派）所布的局，而易烊千璽就在背後一直追查，發現事情越來越複雜，甚至迫到朱一龍走上絕路……全套戲一百零四分鐘，動作鏡頭不多，但係每一幕都好緊湊，張導掌握節奏與對白都處理得非常好，只可以話每個位都計算得好盡，可能前段會看得令人着急或者不明牛，但係去到最後解畫時就通晒。

 我最喜歡中間三首插曲，尤其係最末那首，超級有武俠感覺！不過說到尾習慣看內地電影的都會清楚，就係好人一定好到盡，壞人一定無好收場，再加少少歌頌國家強大（呢套不算多但份量重），基本上都係一套值得一看的電影。演員方面，兩位男主角都演得到位，朱一龍做到那種固執又身不由己的內心戲。如果劉詩詩戲份多點還好，楊冪我印象中第一次看她演反派，有點驚喜。◇