大型音樂企劃《歲月如歌》現正於HOY77台熱播當中，最新一集就請來Alex林德信做嘉賓，今次他除了演繹爸爸林子祥的作品之外，還選了殿堂樂隊太極的《留住我吧》自彈自唱。

　一向熱愛廣東歌的Alex表示演繹太極的作品絕對有難度：「每次可以表演都覺得好難得好開心，好珍惜每次機會，今次亦都好用心咁學咗兩首歌，一首就係太極前輩嘅歌，今次仲要彈埋結他添！所以都好大壓力！反而另外一首就係我家父阿Lam，由細聽到大嘅《我愛你》，之前試過同Daddy一齊唱，今次係第一次自己唱，可能熟悉啲，所以就輕鬆好多！」

　而搖滾音樂教父夏韶聲聯乘新生代樂隊Now here Boys及Zpecial大玩搖滾樂，追朔香港嘅搖滾文化，夏爺就大讚Now here Boys的漁佬彈琴口琴樣樣精，音樂造詣非常高！Now here Boys更為夏爺解釋樂隊名的由來。夏爺亦表示每次表演都盡全力：「其實我哋每次上台，都好用心去為觀眾表演，但我哋用心，聽嘅人冇用心就冇意思啦！所以我哋一定要令台下觀眾同我哋融為一體，搞到佢哋同我哋一齊唱！嗱！我膝頭哥就唔係咁好，但係如果你solo彈結他嘅時候，你想踎低，我都奉陪㗎！」◇