由「黃金拍檔」洪永城（Tony）和黃翠如（Priscilla）主持，香港電視史上首個融合真人+AI的旅遊資訊綜藝節目《中國建設銀行(亞洲)呈獻：走過歷史大地》，逢星期一至五晚九點半翡翠台播映。

　17日第三集，Tony及翠如轉戰埃及心臟地帶-樂蜀，走訪神秘帝王谷及哈姬蘇神廟。其中，二人為了親身體驗直擊考古學家霍華·卡特發現少年法老圖坦卡門陵墓及倒流回到揭開陵墓前一刻，以及3年後在圖坦卡門主墓室見到黃金面具畫面，先後透過AI技術穿梭回到1922年及1925年。還有震撼呈現古埃及底比斯（今樂蜀）龐特遠征歸來畫面，沿途動物像真度極高。

　Tony同翠如互窒位依然搞笑，尤其是Tony連環上演「戲精上身」，首先化身「法老」，以凌厲眼神講出咒語：「如騷擾法老的安寧，死亡之翼將降臨其身。」翠如完全無有怕，更加暗笑：「好彩有字幕。」；其次就化身有傳發現圖坦卡門陵墓真正第一人的12歲「送水仔」侯賽因，翠如擔任旁述講故仔，Tony則半蹲擺出天真無邪單純樣扮侯賽因，連口音都扮埋；最後Tony還玩埋「聲演」，將自己聲音配上翠如靚樣，鬼馬講：「洪永城爭我錢，一世都唔使還。」翠如亦不甘示弱用真聲：「10年前你就欠我1千蚊，喺聖殿面前依家唔還下一世都要還。」相當搞笑。

　二人向來愛鬥氣，就連飲杯薄荷茶都要「開火」，翠如：「你認為咁樣就係體驗過埃及人生？」、「你可唔可以唔好咁求其」，Tony立即反駁：「求其從來都唔會同我有關聯。」互動畫面非常精彩。

　至於18日一集，Tony和翠如就轉戰阿斯旺，走訪努比亞村及阿布辛貝神殿，透過AI技術親身體驗公元前47年「埃及妖后」克莉奧佩特拉七世的尼羅河巡遊畫面及穿梭去到公元前1244年與法老拉美西斯二世互動。

　在努比亞人面前，Tony和翠如繼續互窒不停，當翠如體驗手搖織布機表現不佳，Tony狂窒：「係咪大家閨秀就睇呢鋪。」不特止，二人在體驗與鱷魚接觸時，大膽翠如更手抱鱷魚，仲玩「頭鱷鱷」，至於Tony就驚驚青青，畫面非常爆笑。搞鬼的Tony還在阿布辛貝神殿面前半蹲式「紮馬步」扮神像。◇