《2026香港小姐競選》12位佳麗13日在廣州從化穿上泳衣進行外景拍攝，對比上一次湖南泳衣拍攝，今次不少佳麗已經收腩成功。6號盧蔚晴身材最fit，她表示，完全不知道，自己一直留意8號鄧匡閔，因為對方的身形變靚了很多。

　鄧匡閔坦言，上次湖南拍泳衣的外景照一出，自己都發覺有問題，於是下苦功，飲食清淡些。她說：「無落調味料，幾乎無，有做運動，同埋健康作息。去做gym有教練教。」她表示，仍有進步空間，她說：「驟眼望下仲有好多地方要改善，條腰仲有啲肉，嗰啲都係不良坐姿，要長時間調整。」盧蔚晴希望可以增加多些肌肉，她說：「我做咗測試，我啲肌肉量少，希望做多啲重量訓練，有返啲線條！」

　二人表示，口才仍有待進步，鄧匡閔說：「我覺得口才方面仲有待調整，因為一緊張就唔記得咗講嘢，同埋我個腦唔係轉得咁快，真係要練多啲。」盧蔚晴說：「因為之前講嘢都係比較怕羞，唔係好敢講嘢，而家有師姐鼓勵，佢都有教我哋點樣講嘢。」問到她們最想食甚麼？鄧匡閔二話不說是叉燒飯，她說：「定咗啲目標去到階段性勝利嘅時候，就放縱一下！」而盧蔚晴表示，最愛吃菠蘿包，幸好返港之後已經吃了。◇