【特訊】周二（8日）凌晨意甲，拉素作客以2比1反勝烏甸尼斯，新加盟中場大衛法迪斯又射入1球，開咧後3場聯賽都有入波。拉素今季聘請加度素執教，保持3戰全勝，這位「怒漢」擦靚招牌。

　雙方上半場互無紀錄，換邊之後，烏甸尼斯憑中場卡爾史唐入波打開紀錄。拉素立即傾力反攻，戰至75分鐘，薩卡尼左路傳中，大衛法迪斯近門射入扳平。這位26歲意大利國腳今夏由國際米蘭外借去拉素，變成「入球機器」，踢3場聯賽各有1球進帳，成為1994/95年球季意甲實行3分制以來，第2位首3場聯賽上陣都入波的拉素新兵，另1位是莫路沙拉迪（2008/09）。

　拉素攻勢一浪接一浪，包括薩卡尼遠射中柱彈出，踢到88分鐘，後備上陣前鋒艾拔古蒙臣頂入，協助拉素反勝2比1，亦是球隊自2012年之後首次聯賽開季3連勝，並同羅馬及國際米蘭成為今季意甲僅有3支全勝球隊。

　加度素未能協助意大利打入今屆世盃決賽周，黯然下台，想不到轉為執教拉素，卻可以創出佳績。

　意甲聯賽，拉素作客2:1反勝烏甸尼斯，開季三戰全勝，與羅馬和國際米蘭同得9分。主隊烏甸尼斯在換邊後4分鐘，由卡爾史唐建功打破僵局。法迪斯在下半場中段為拉素扳平。完場前，後備入替的古蒙臣為拉素攻入致勝入球。另一場，卡利亞里憑丹尼爾馬甸尼頂入，主場1:0小勝萊切。◇