由「金牌媒人」林盛斌（Bob）主持的TVB戀愛真人騷《Funki Finance呈獻：女神配對計劃2》，逢周日晚八點半翡翠台播映。

　《女神2》第一集首播後引爆全城熱話，網民連日盤點求愛勇者筍盤，當中葡芬混血兒方智弘（Oscar）更因俊朗外形、得體談吐一夜爆紅。周日（13日）播映的第二集，五大女神何沛珈（Roxanne）、阮嘉敏（Mandy）、陳若思（Amber）、俞可程（Kanis）及郭珮文（Juliana），將撳燈挑選心水求愛勇者！今屆求愛勇者入圍標準有兩個，第一是得到三位或以上女神撳燈仔支持，第二是自己心儀的女神有份撳燈挑選自己，換言之，即使只有一位女神撳燈，該名求愛勇者依然有望入圍。

　除了精彩刺激的撳燈過程，第二集女神將曝光「閨密花生團」成員，Roxanne的閨密是游嘉欣（游游）、Mandy的閨密是鄧依婷、Amber的閨密是「高成彬」劉倬昕（Sam）、Juliana的閨密是「東張小花」鄧凱文、Kanis的閨密是其親家姐，Kanis家姐驚揭Kanis是「容易受傷的女人」之餘：「見到佢每次分手都好受傷害，所以今日特登來決心幫佢搵一個好男人」、「佢對住男朋友同對住我哋完全唔同，兩個樣。」

　除了Kanis家姐，其餘4位閨密都是爆料類型，當中爆得最爽的是「高成彬」Sam，她更搞笑公開Amber的海量擇偶條件：「佢鍾意高嘅、叻嘅、脾氣好、皮膚白、眼大、唔肥、斯文、怕醜，最緊要係天秤座！」至於游游，則半搞笑半認真指Roxanne鍾意「搵年紀大」，並在爆料期間再度展現她的招牌論盡：「我覺得佢應該適合五歲以上」，阿Bob聞言即更正為「大五歲以上」。至於阿Ju，則被鄧凱文及阿Bob踢爆好鍾意食嘢，其中阿Bob的「指證」最搞笑：「我哋拜完神好多燒肉，佢食咗半盒呀！佢真係好鍾意食嘢。」今屆「閨密花生團」特別之處，是可於觀察室直接打給閨密女神畀意見兼教路，為節目增添更多笑料。

　今集第一位登場的，是以健碩身形、擁41吋胸肌、成功人士外表及搞笑「龍舟論」引發關注的關經翰Oswald！由於Oswald於海選面試期間，曾坦承自己有一夜情經驗，隨即引發5位女神關注，Kanis大膽追問：「你試過One Night Stand？」Amber聞言坦認介意：「我覺得係觀念問題，有一次就會有好多次。」Mandy：「我比較介意衛生同佢冇做安全措施多啲。」Kanis：「One Night Stand喺我心目中有小小扣分」，之後更追問Oswald：「如果伴侶介意，點畀番信心？」，當Oswald說畢後，花生團阿Sam即激動吐槽：「呢個價值觀全錯！」至於Roxanne，則獲游游肉緊致電教路：「我覺得你揀咗先，雖然佢One Night Stand，但我覺得佢個人都成熟穩重，我覺得不妨了解一下。」到底Roxanne最後會否揀Oswald，Oswald又會否因為一夜情關係被眾女神叮走，就要留意新一集《女神2》。◇