由「金牌媒人」林盛斌(Bob)主持的TVB戀愛真人騷《Funki Finance呈獻:女神配對計劃2》,逢周日晚八點半翡翠台播映。

　周日(25日)播出的第八集《女神2》,繼續是「心跳電話亭」,12位求愛勇者吳兆麟(Alan)、吳旭東(東東)、俞鋆瑞(Ice)、譚梓樂(Hepta)、李爾晨(Kyle)、林子朗、伍頌曦(Preston)、侯建民(Zico)、林福明、吳俊峰(Mark)、方智弘(Oscar)及關經翰(Oswald),將爭奪與何沛珈(Roxanne)、陳若思(Amber)、郭珮文(Juliana)、梁超怡(Chiuyi)及星妤(Yvette)在電話亭中的15分鐘單對單相處時間,挑戰「心跳」主題考驗之餘,亦爭取機會傾下偈增進了解。至於女神們,則可自由選擇12位求愛勇者中任何1位進入電話亭,意即即使想了解的求愛勇者未有行出來爭取,女神仍有權進行「有效召喚」,相當刺激。

　昨日官方率先公佈「提升心跳達人」陳星妤Yvette的「心跳電話亭」搶先睇,上一集登場時被指靚爆鏡的Yvette,今集分別獲Kyle及Preston爭取獨處,最驚爆的是,Kyle解釋選擇Yvette的原因時,不但揭出二人於大學時早已相識,更直指與Yvette一度「友達以上」:「我同陳星妤大學就識,有段時間我哋行得好埋,又好似有、又好似冇咁,嗰種感覺係咪叫友達以上、戀人未滿。」難怪二人經常相約做gym,一起拍攝的運動系列socialreels又如此有默契。

　對於Kyle主動表示想增進了解,Yvette大感錯愕,劈頭第一句便說:「你做乜鬼,我好唔慣?」、「你唔係揀到冇人先揀我嘛?」Yvette事後接受製作組訪問時,則展現了她其實接收到Kyle的善意:「佢可能驚我冇人揀,企咗出來,我心諗你做乜鬼嘢啫,叉隻腳落來阻住我識男仔!」至於Preston則率直表示想給自己一個機會認識其他女神。

　最終官方雖然未有公佈Yvette的最終選擇,但卻公開了Yvette選擇該名求愛勇者的原因,就是原來撞樣Yvette其中一名前度,花生指數極高。Yvette的選擇如下,當中暗藏兩個貼士:「年紀上有大過我小小,我都鍾意男仔照顧到女仔,又唔會爭太遠。當然佢個樣都ok,有小小似我廿歲出頭嗰時鍾意嘅一個男仔,令我有啲熟悉嘅感覺。」欲知Yvette最終選擇?密切留意節目。◇