梁漢文晒超強唱功
無綫音樂節目《伯樂音樂學院20周年呈獻:J Music》今晚10點15分於翡翠台播出。今集邀請了梁漢文(Edmond)擔任嘉賓,為即將展開的《第七顆原石是愛情》世界巡迴演唱會宣傳;糖妹(黃山怡)則帶來新歌《情感獨立》,分享獨處與愛情體會。二人接受主持林智樂(Felix)及冼靖峰(Archie)訪問。
今集「一晚限定」環節,登場嘉賓是梁漢文,現場演繹經典K歌《501》及《重新做人》。他全情投入,情感澎湃,尤其唱《重新做人》時唱到青筋暴現,聲線充滿力量感,極具感染力,好聽到耳朵懷孕。談到今次演唱會命名為《第七顆原石是愛情》,他希望觀眾能透過寶石去尋找自己的愛情故事:「我唱過好多唔同嘅情歌,希望可以透過呢個幾有趣嘅故事,喺個Show入面透過呢啲寶石帶大家進入一個唔一樣嘅時光隧道。」談到香港站,他透露:「已經計劃好咗,決定咗尾站會返來香港。」並預告明年舉行。
糖妹即場演繹新歌《情感獨立》,歌聲溫柔清亮,演繹細膩真摯,聽得令人動容。有份創作的她透露,歌曲寫於自己第一次搬出去住的感受:「喺呢段過程裡面自己獨處會認識自己更加多,知道自己鍾意咩唔鍾意咩,亦都會學識一樣嘢就係唔會屈就自己,反而會好清晰自己係一個好獨立嘅人。」◇









