一連兩集的全新旅遊節目《玩轉澳門更多Fun》將於十月五日起，逢周六晚上8點半翡翠台播映。無綫在炮製旅遊綜藝節目方面屢見創新突破，這次製作組找來「後生仔」班底：馮盈盈、陸浩明、游嘉欣及孔德賢齊齊玩轉澳門。今次四人除了負責「尋幽探秘」、搜羅暫未列入港人熟悉範圍的澳門最潮最好玩最好食資訊外，還要負責埋單！

　為了符合「更多Fun」主題，製作組每到一間重點餐廳，都會要四位主持上繳信用卡；當四人飲飽食醉兼與店主暢談完畢後，製作組便會發問一條相關問題考驗四人，若果答錯，店主便會隨機從四張信用卡中抽一張出來埋單，令到四位主持腎上腺素飆升。今集兩家「找數主題店」，分別是隱藏在洞穴中的手沖咖啡Café；、及食餐飯好似睇表演一樣咁精彩的創意料理店。在大會今日發佈的新聞稿中，盈盈明顯是其中一位被選中付款的「幸運兒」，而她被抽中付款的那一餐，埋單接近三千港元，令向來是「反應彈」的盈盈大表驚訝，結果因為反應過度「撼頭埋牆」，搞到真‧肉痛。

　馮盈盈感嘆：終於有人嘈過我

　該所餐廳其實物超所值，單是飲品已超多花臣，有齊試管、煙霧、噴火、超長泡沫、酒中花等不同效果，啱晒現代人打卡需要。至於食物方面亦是充滿創作力量同幻想，不但每個dish都極盡視覺震撼效果，更有「迷你BBQ」及「食蟻」體驗。對於店主以「迷你BBQ」手法呈現和牛食吃法，四位主持絕對食得開心、玩得盡興，向來語出驚人的盈盈，更忍不住拋出超靚自抽：「話晒我哋係TVB，要貫徹番傳統嘅BBQ。」至於面對撒滿「丹麥螞蟻」的螯蝦刺身，除了游游外，其餘三位主持都吃得津津有味，大讚清甜；唯獨每次講親口感都誓必出錯、被封「味蕾黑洞」的游游，單是聽到螞蟻兩個字已嚇到眼突，經歷多重內心及表面化掙扎的游游，還未將蟻放入口已嚇到嘩鬼叫，分貝之震撼令盈盈不禁感嘆：「終於有人嘈過我！」◇