由林瑋澄監製、黎倩儀編審的無綫新劇《奔跑吧！勇敢的女人們》（以下簡稱《奔跑吧！》），逢周一至五晚八點半翡翠台播映，主要演員有蕭正楠、吳若希、朱敏瀚、賴慰玲、鄧智堅、何遠東、唐嘉麟、黃瀅仴及張詩欣等。

　在《奔跑吧！》中飾演丁仲堯丁丁（蕭正楠飾）經理人禾平的朱敏瀚，周五晚（3日）播出一集有驚喜演出。劇情講述林采琳（吳若希飾）與沈洛澄（賴慰玲飾）為了復刻版蒸餾水廣告女主角位置爭崩頭，事件擾攘至蒸餾水老闆娘邱梁嫦可（林漪娸飾），邱太最終將女主角決定權交給禾平！變成夾心人的禾平接到Order後第一時間竟是衝出會議室、然後喪灌一大支蒸餾水紓緩緊張情緒，期間更飲到衣衫盡濕！

　遭監製勒令洗掉「靚仔味」

　不過朱仔接拍《奔跑吧！》前，監製瑋澄講到明想他洗掉身上的「靚仔味」，瑋澄接受TVB.COM訪問時說：「我同朱仔講我想佢隨性啲同埋想佢頹頹地，但又要成日好似看透世事咁。」朱仔劇中表現亦確實符合瑋澄預期，將丁丁打造成「愛妻號」的他，全程冷眼旁觀丁丁與林采琳的婚姻危機，但有時又會忍不住流露對采琳的同情。

　預告劇集將crossover經典劇集《反黑路人甲》

　朱仔受訪時坦言今次確實是刻意選用了較細微的演繹方式：「呢個方式係喺《反黑路人甲》度學番來，當其他人High嘅時候，我就subtle啲，咁就會畀到觀眾冷面笑匠嘅感覺，同其他演員亦會有一凹一凸嘅平衡感喺番度。」朱仔又大賣關子謂，在稍後播出的劇情中，將有crossover《反黑路人甲》情節出現，期待值爆燈！談到飲水場口，朱仔笑言確實飲了很多水，並補充指場口拍了兩日，其中一日更是單純拍攝飲水鏡頭，足見製作認真。

　至於飾演電視台導演楊子涵的尹詩沛，在過去的2024年絕對是豐收年，先後憑《旁觀者》的戴恩娜（記憶點是與王敏奕撞樣）、《再見‧枕邊人》中的被虐苦命女晨曦、《法證先鋒6倖存者的救贖》的村上雅美（記憶點是極有日本人風格的英語對話），及《企業強人》中的「雙重無間道」女秘書程璐等不同角色，令觀眾留下深刻印象，並展現了演技的多元性及自身的可塑性。

　網民讚尹詩沛「戲路廣，演咩似咩」

　尹詩沛這次飾演楊子涵亦再度為觀眾送上驚喜，為人直率的子涵，做起事上來雖然聲大大、感覺粗獷又豪邁，但私下不但有感性一面，打扮起上來更絕對是靚女！詩沛身穿低胸貼身戰衣，與好姊妹吳若希Jinny齊齊夜蒲，與在電視台工作時的中性打扮極大反差，這次亦是詩沛繼《企業強人》後，再度於同一套劇集中展現天花板級別反差，難怪有網民大嘆「尹詩沛戲路廣，演咩似咩」。

　  爆攞正牌抽吳若希水揭賴慰玲是「讚美魔人」

　詩沛接受TVB.COM訪問時，笑言楊子涵是最貼近其真實性格的角色，並笑指阿蕭是整套劇NG的罪魁禍首：「阿蕭本身個人非常好笑，所以呢套嘢如果有人NG，都係阿蕭嘅錯，因為佢真係好好笑，經常搞到人焗蟹。」她又指與阿蕭會即場幫角色加小動作及碎嘴：「好多嘢都係我哋自己度，所以都覺得好得意。」雖然詩沛與Jinny和阿賴是首度合作，但三人卻默契十足，其中一場詩沛的醉酒戲份，不但詩沛的醉酒狀態勁像真，阿賴的「嫌棄」樣亦是相當到肉！對此，詩沛坦言阿賴是很好的拍檔：「佢每日都會不斷好真心咁講好多讚美我嘅說話，係咁增強我自信，真係好多謝佢。」又笑言開劇前有向Jinny「攞正牌抽水」，十分抵死：「我同佢講話我會係咁掂佢，佢話ok，所以劇入面一有機會，我就會係咁摸佢同捽佢大髀。」◇