由Sunny Idea主辦，RFlat、ELFASIA、KKLIVE及Sony Music Enter tainment Hong Kong Limited合辦，《Rubber Band Ciao2021》五日晚假紅磡香港體育館舉行第三場，Solo部份換上六號上陣，他特意在台上自彈自唱送給已故的媽媽，悼念一番。

　六號與隊友先唱過〈心照一生〉及〈Hello？〉，然後獲得了阿正、阿偉及泥鯭輪流大力擁抱，為他的Solo演出打下強心針後，才獨個兒站在台上，兄弟情不言而寓。及後六號首獨公開分享喪母的心情，他說：「正正因為一個關於Ciao嘅音樂會，自己特別多感觸。我係一個唔叻面對離別嘅人，一直喺面對離別呢個課題需要好多人Support我體諒我。我媽媽舊年三月離開咗我哋，我唔知點解仲夠膽做呢個音樂會，仲要好快就決定要叫做『Ciao』。我仲經歷緊呢件事，但音樂真係好神奇，喺呢段時間我彈多咗結他，又因為疫情，好多時間留喺屋企，，當然其實都仲係彈得麻麻地，但都感激有音樂去gothrough（經歷）呢件事。」說到這裡，六號開始哽咽稍作停頓，觀眾見狀即拍掌鼓勵，六號才繼續他的話，並說：「我都有位喺泰國嘅朋友經歷緊呢樣嘢，但我都想鼓勵佢。」六號此時已嚎哭起來，就連隱形眼鏡都掉下來，不過他續道：「我會想寫多啲嘢，有時朋友都會話我無病呻吟，但通過寫文、出post、彈琴玩音樂，去紀念番一啲你愛嘅人，係一個過程。我應承過自己會寫多啲關於媽媽嘅嘢，但寫得唔夠多，但周耀輝同于逸堯都同我分享點樣通過寫書或一啲作品去經歷媽媽離去。我覺得呢個做法可以有好大力量，因為湊到你咁大嘅呢個女性，其實喺城市裡面冇人會記得佢，惟有通過寫歌去記低佢，分享俾多啲朋友知，包括喺泰國嘅朋友，佢離唔到，但我知佢會睇到。」六號又指，過去寫這類題材時，一落筆就會爆喊寫不到，所以他很感謝當時的女友即現在的老婆TimLui為他寫出心聲，說罷，便拿起結他唱出二０一二年時的〈M.A.M.A.〉，而這正正就是當年TimLui執筆歌頌母愛的作品。

　完成獨唱部份後，六號表現明顯放鬆很多，更不時與觀眾互動全場大合唱〈發現號〉和〈未來見〉，不過到Encore時，六號對於因為太緊張獨唱部份而未有唱好〈Hello？〉一曲而耿耿於懷，於是要求再唱一次，結果亦讓他「一雪前恥」唱出高水準，令音樂會完美落幕。◇