【特訊】周五（7日）凌晨西盃8強，巴塞隆拿作客5比0大炒華倫西亞輕鬆晉級。西盃4強出爐，巴塞隆拿、皇家馬德里、馬德里體育會同皇家蘇斯達組夢幻戲碼，對上一次巴塞同馬德里雙雄同時入西盃4強，已經是2014年，今屆冠軍爭逐肯定刺激。

　巴塞上星期曾在聯賽7比1狂數華倫，今場雖然作客一樣照攻，費倫托里斯在頭30分鐘就連中三元，加上費明盧比斯入波半場領先4比0。換邊後巴塞放慢步伐，仍然有拉明耶馬59分鐘「埋齋」，最終贏5比0晉級，近19屆西盃第15次殺入4強。

　巴塞教練費歷克賽後表示：「我為球隊表現開心，我們製造好多機會亦把握到，永遠想爭取下一個入球是巴塞的風格，當我們進入節奏，以這班年輕球員的作風，我們是會盡量爭取最多的入波！」◇