自2023年開完紅館騷後就一直神隱，未有出席任何公開活動亦未有新作，令大家都好關心佢嘅健康狀況。不過近日有指，欣宜同舊東家約滿，亦將簽約新唱片公司即將復出，近日仲分別有上海、北京等內地網民偶遇欣宜，喺社交平台分享多張合照。

　有網民喺上海豫園偶遇欣宜，大讚欣宜真人好靚好開朗亦非常溫柔：「真心覺得她狀態很不錯，後面也碰到她超耐心和別人聊天。近距離看妝也很淡，加上拍照角度和光線，照片不一定非常出彩。純原圖，濾鏡都沒加，而且真的覺得是美的不用修！」，另一位網民就同欣宜拍自拍影片，更開心表示：「好高興可以遇到佢，好激動，腳都震埋」仲話欣宜係自己偶像，令欣宜都忍唔住笑嚟：「你真係好緊張。」

　隨後有北京粉絲喺網上分享同欣宜喺火鍋店偶遇，一齊唱生日歌、拎住影相道具跳舞嘅片段，雖然欣宜喺片中近乎素顏，但氣息睇落唔錯，玩得都好開心，又多謝大家為佢送上果盤。隨後又有人喺唔同景點偶遇欣宜，欣宜更身穿皇帝古裝同清漢女服同大家合照。◇