《保濟丸130周年呈獻：中年好聲音4》2日晚8點翡翠台播映「10強累積排名分」第三回合「突破之夜」，邀得創作歌手林志美做嘉賓評審，金牌主持李思捷和著名時裝設計師何國鉦則任「知音人」。10強選手以自選歌曲跳出舒適圈，展現不一樣的自己來爭取高分數。

　「突破之夜」賽果如下：吳亦偉《決戰二世祖》92分、尹景順《陀飛輪》95分、許雲妮《餓狼傳說》90分、蔡宓婕《上海灘》91分、鄭仲豪《想你》90分、許美琪《給愛麗斯》91分、尤淑情《瘋了》93分、鄭家聲《愛是懷疑》94分、陳旭培《情非得已》89分、周志康《獨家試唱》93分。

　周志康以黑超皮褸造型Chok爆登場，激罕勁歌熱舞演繹鄭秀文名曲《獨家試唱》，期間他施展「神技」腳控MicStand，以及唱畢脫去外套晒強勁臂彎，引爆全場歡呼聲，海兒更放下一貫的優雅形象，頻頻瘋狂尖叫！主持車婉婉更打趣指志康的眼神猛烈得「好似要吞咗肥媽」，著名時裝設計師何國鉦則笑言要頒「最佳衣着獎」給志康。李思捷則讚志康與MicStand的13秒互動很精彩：「好似睇緊鋼管舞，揮灑自如。」至於張佳添讚志康演出型爆：「你絕對可以做到『實偶派』，實力偶像！」更笑言：「結咗婚嘅男人唔可以咁型㗎，你老婆會好冇安全感㗎！」

　最終志康憑破格表現奪93分佳績，更強勢首次贏MVP！他感性說：「多謝呢個主題，令到我唔可以唔突破，因為我唔係一個鍾意突破嘅人。我唔係鍾意舒服，但係我會擔心，呢個係我性格。」同時不忘冧爆感謝到場支持的太太：「佢係我屋企嘅MVP，打點得屋企好好，佢係一個最好嘅太太，最好嘅媽媽」。

　一直以雌雄難辨靚聲聞名的「東方不敗」尹景順，今次破格以Man爆聲線演繹陳奕迅名曲《陀飛輪》，整首歌曲僅以簡單的琴聲伴奏，極度考驗參賽者的唱功。景順充滿敍事感的演繹，令肥媽與海兒都聽到「起雞皮」，斬獲全晚最高95分！肥媽大讚景順唱功與情感拿捏都相當出色，激罕給97分的周國豐特別提到，以往《中聲》的參賽者選唱《陀飛輪》都「必死無疑」，但景順唱其中幾句歌詞的轉折位處理得非常好，唱出「覺悟了」的意境，：「喺我認知裏面，除咗陳奕迅之外，唱得最好嘅係尹景順。」

　「中4炸彈」尤淑情選唱林憶蓮名曲《瘋了》，其魅惑歌聲加上充滿律動的舞步，令人目不暇給。最精彩一幕，莫過於她飆高音後「瘋狂喪笑」，其「失控」演繹直擊評審們心靈，斬獲93分佳績。周國豐大讚：「呢個『癲婆』恰到好處，要唱到呢隻（感覺）係好難，係慾火焚身嘅失控！」張佳添則說：「你卡卡笑嗰下，真係覺得你個下瘋咗，全部係有層次，一浪又一浪嘅感情！」

　擅長唱女人味慢歌的許雲妮，今次選唱節奏感強勁的快歌《餓狼傳說》。雖然雲妮已盡力展現舞台魅力，但被周國豐與張佳添批評唱不到挑逗意境，周國豐說：「唔止要性感，甚至係挑逗，餓狼喎！」張佳添亦說：「前面可以多啲挑逗，但一定要點到即止，唔使多，一段就夠。」林志美則指雲妮唱出性感感覺：「不過中間甩咗小小拍子，所以我會扣咗你分。」最終雲妮奪得90分。

　陳旭培表示除了於團戰時唱《手放開》，未試過在《中4》舞台唱普通話歌曲，又指中學畢業後，已沒再彈結他，故今次他首次自彈自唱輕快歌《情非得已》，期望大家見到他的突破。惟比賽當日陳旭培帶病上陣，在氣息不足下難以發揮應有水準，成全晚最低89分。肥媽稱「The showmust go on」，讚旭培在台上未有流露半點病態。周國豐則叫旭培要保重身體：「尤其去到呢個階段，當大家聲音都保持到，而你病咗嘅話，咁對你好不利。」事後旭培接受鄭衍峰訪問時表示，比賽前練習時非常順利，但正式演出卻失準，可能與自己未能處理壓力有關。他哽咽說：「呢個都係自己嘅責任，我最唔想嘅係支持我嘅人失望。」◇