無綫處境劇《黃道益活絡油呈獻：愛．回家之三代同糖》（下文簡稱《三代同糖》），由羅永賢（Marco）監製，馬俊縈編審，馬俊縈、謝浩洋、潘逸豪執行監製，逢周一至周五晚八點翡翠台播映。

　昨晚（30日）播出一集「冰糖葫蘆伴你Sing」，劇情講述嘉冰（車婉婉飾）出席《當年好聲音》宣傳活動時，獲節目贊助商戴志昌（鍾志光飾）禮待，Momo（邱芷微飾）看在眼內又嬲又妒忌，出陰招令嘉冰失聲。比賽當日，嘉冰的聲線未恢復十足，但仍奪得MVP，全場噓爆！面對如此尷尬場面，嘉冰會如何應對？

　今集焦點除了有車婉婉深情演繹關淑怡名曲《難得有情人》，樊亦敏與邱芷微的搞笑鬧交戲同樣精彩！《三代同糖》一向致力緊貼時事，今次劇組火速將早前Hit爆全港的「港鐵高EQ男神」事件搬上螢幕。劇情講述樊亦敏與邱芷微狹路相逢，樊亦敏因不忿好友婉婉被屈與邱芷微展開對罵，二人以「死乞兒」及「La支」（垃圾）喪罵對方，又揈手揈腳喪似跳緊舞，搞笑度爆燈！

　另每逢萬聖節，《愛．回家之開心速遞》演員都會扮鬼扮馬放笑彈，《三代同糖》當然要延續這個「傳統」，今集尾聲上演了一幕驚心動魄又爆笑的「大廈驚魂」！劇情講述歐瑞偉（KC）當座頭保安在大堂櫃枱打瞌睡，期間大廈突然停電！KC驚醒後看見「黑白魔女」車婉婉與樊亦敏發出詭異青光，之後又遇上雙眼「流血」的中國殭屍李茵彤！驚魂未定的KC，未幾遇見西裝筆挺的Terry，正當他以為終於遇到正常人，豈料Terry卻突然「甩頭」，嚇到KC「9秒9」拔足狂奔！

　Terry接受官方訪問時表示，全靠幕後同事幫忙，才成功製造「甩頭」效果：「喺件衫度整咗一個好簡單嘅機關，我隻手一托起個類似衣架嘅機關，件衫就會升起，錯覺好似我個頭跌低咗咁。」◇